రేపు ఆంధ్రప్రదేశ్ శాసనసభ ఎన్నికల ఫలితాలు ఎలా ఉంటాయో ఏమో గాని ప్ర‌తిప‌క్ష తెలుగుదేశం పార్టీ నేతలు మాత్రం కాస్త హాడావుడిగానే ఉన్నారు. రేపు ఎన్నికల ఫలితాలు వెలువడనున్న నేపథ్యంలో రాష్ట్రానికి వచ్చిన లోకేష్, భువనేశ్వరి లకు గన్నవరం ఏర్ పోర్ట్ లో అభిమానుల ఘన స్వాగతం ప‌ల‌క‌డం విశేషం. తెలుగుదేశం జాతీయ ప్రధాన కార్యదర్శి నారా లోకేష్, చంద్రబాబు సతీమణి భువనేశ్వరి లకు గన్నవరం విమానాశ్రయంలో పార్టీ నేతలు ఘన స్వాగతం పలికారు. గన్నవరం అభ్యర్థి యార్లగడ్డ వెంకట్రావు, పెద్దకూరపాడు అభ్యర్థి భాష్యం ప్రవీణ్ తదితరులు పుష్పగుచ్చం అందించి ఆహ్వానించారు. గన్నవరం విమానాశ్రయం నుంచి లోకేశ్, భువనేశ్వరి కుటుంబసభ్యులు ఉండవల్లిలోని తమ నివాసానికి బయలుదేరి వెళ్లారు. ఎగ్జిట్‌ పోల్స్‌ ఫలితాలు కూటమికి అనుకూలంగా రావడంతో పార్టీ శ్రేణుల్లో జోష్‌ కనిపిస్తోంది. పోలింగ్ ముగిశాక హైదరాబాద్ మీదుగా విదేశీ పర్యటనకు వెళ్లిన చంద్రబాబు దాదాపు మూడు వారాలు తరువాత అమరావతి తిరిగి వచ్చారు. నేడు లోకేశ్, భువనేశ్వరి ఏపీకి చేరుకున్నారు.
లోకేష్, భువనేశ్వరిలకు గన్నవరం ఏర్ పోర్ట్ లో అభిమానుల ఘన స్వాగతం
RELATED ARTICLES