జయ ఆసుపత్రి ఆధ్వర్యంలో ఉచిత వైద్య శిబిరం

రాజన్న సిరిసిల్ల జిల్లా ఎల్లారెడ్డిపేట మండలంలోని గొల్లపల్లి గ్రామంలో గల జయ ఆసుపత్రిలో ఆదివారం సిరిసిల్లకు చెందిన డాక్టర్ మోహన్ కృష్ణ ఆధ్వర్యంలో చెవి, ముక్కు, గొంతు సమస్యలపై ఉచిత వైద్య శిబిరాన్ని నిర్వహించారు. డాక్టర్ ఏ మోహన్ కృష్ణ, ఎంఎస్, ఈఎన్టి వివిధ సమస్యలతో వచ్చిన రోగులకు ఉచిత పరీక్షలు నిర్వహించారు. చెవి సమస్యలతో వచ్చిన వారికి ఉచితంగా వినికిడి పరీక్షలు చేసి వైద్య సేవలు అందించారు. ఈ ఉచిత వైద్య శిబిరంలో 41 మంది వైద్య సేవలు పొందారు. ఈ ఉచిత వైద్య శిబిరంలో డాక్టర్ బాబు, డాక్టర్ జయశ్రీ, డాక్టర్ దినేష్, లయన్ అనంతుల శివప్రసాద్ పాల్గొన్నారు.