ప్రకృతిలోని అద్భుతాలకు సంబంధించిన వీడియోలు ప్రస్తుతం తరచుగా సోషల్ మీడియాలో వైరల్ అవుతున్నాయి. అలాంటి వీడియోల్లో కొన్ని చూసిన వారిని ఆశ్చర్యపోయేలా చేస్తున్నాయి. ప్రకృతి దశ్యాలకు పెట్టింది పేరైన లడఖ్‌లోని ఓ వీడియో తాజాగా చాలా మందిని ఆకట్టుకుంటోంది. వైరల్ అవుతున్న ఆ వీడియోలో ఓ వ్యక్తి నదిలోని భారీ మంచు గడ్డపై నిల్చుని ప్రయాణిస్తున్నాడు.
Siddharth Bakaria అనే ట్విటర్ యూజర్ ఈ వీడియోను షేర్ చేసి “లడఖ్‌లోని జన్‌స్కర్‌లో ఇలాంటి సాహసం చేయాలని ఎవరు అనుకుంటున్నారు“ అంటూ కామెంట్ చేశారు. ఆ వీడియోలో నదిలో తేలుతూ వెళుతున్న భారీ మంచు గడ్డపై ఓ వ్యక్తి నిల్చుని ప్రయాణిస్తున్నాడు. ఆ రమణీయమైన దృశ్యానికి సంబంధించిన వీడియో సోషల్ మీడియాలో వైరల్‌గా మారింది. కోటి మందికి పైగా ఆ వీడియోను వీక్షించారు.
55 వేల మందికి పైగా ఆ వీడియోను లైక్ చేశారు. ఆ వీడియోపై నెటిజన్లు తమ స్పందనలను తెలియజేశారు. అద్భుతమైన వీడియో, నాకూ అలా చేయాలని ఉంది, ఒళ్లు గగుర్పొడిచే సాహసం, ఐస్ విరిగిపోతే మాత్రం చాలా పెద్ద ప్రమాదం సంభవిస్తుంది, భద్రతాపరంగా తీసుకున్న చర్యలు ఏంటి“ అంటూ నెటిజన్లు కామెంట్లు చేశారు.
