జిల్లా కేంద్రంలో మీడియా సెంట‌ర్ ప్రారంభం…!

2024 ఎల‌క్ష‌న్స్ కు సంబంధించి జిల్లాలో ప్ర‌తీ నిమిషమూ జ‌రుగుతున్న ప‌నులు, చ‌ర్య‌లు కార్య‌కలాపాల‌ను ఎప్ప‌టిక‌ప్పుడు ప్ర‌జ‌ల‌కు తెలియచెప్పేంద‌కు ప్ర‌తీ పోలీస్ స్టేషన్, ప్ర‌తీ ఓటింగ్ కేంద్రానికి వ్యయప్ర‌యాస‌ల కోర్చి వెళ్ల‌క్క‌రలేకుండా జిల్లా కేంద్రంలోనే ఓ మీడియా సెంట‌ర్ ను విజ‌య‌న‌గ‌రం జిల్లా యంత్రాంగం జిల్లా పౌర సంబంధాల‌, స‌మాచార శాఖ ఆధ్వ‌ర్యంలో ఏర్పాటు చేసింది. ఈ మీడియా కేంద్రాన్ని జిల్లా ఎన్నిక‌ల అధికారిణి, ఫస్ట్ క్లాస్ మెజిస్ట్రేట్ క‌లెక్ట‌ర్ నాగ‌ల‌క్ష్మి ప్రారంభించారు. క‌లెక్ట‌రేట్ లో పాత ట్రెజ‌రీ కార్యాల‌యాన్ని పూర్తి స్థాయిలో ఆధునీక‌రించి ఆ ప్ర‌దేశంలో 24/7 అందుబాటులో ఉండే విధంగా ఎల‌క్ష‌న్స్ కు సంబందించి మీడియా సెంట‌ర్ ను క‌లెక్ట‌ర్ నాగ‌ల‌క్ష్మి, జేసీ కార్తీక్ తో క‌లిసి ప్రారంభించారు. అనంత‌రం మీడియా సెంట‌ర్‌లో ఏర్పాటు చేసిన నియోజ‌క‌వ‌ర్గాల మ్యాప్‌ల‌ను ప‌రిశీలించారు.